Fréttir

Í dag var því fagnað að fyrstu íslensku fyrirtækin hafa lokið innleiðingu á VAKANUM. Fyrirtækin eru öll umsvifamikil á sviði íslenskrar ferðaþjónustu en þau eru: Elding hvalaskoðun, Bílaleiga Akureyrar – Höldur, Ferðaskrifstofan Atlantik og Iceland Excursions Allrahanda.

Við leitum nú eftir góðu íslensku heiti á orðinu „Hostel“. Hingað til hefur orðið yfirleitt hlotið þýðinguna farfuglaheimili en þar sem það er lögverndað heiti þá verðum við að finna annað gott orð fyrir þessa tegund gistingar.

Mjög góð viðbrögð hafa verið við fjarfundum fyrir ferðaþjónustuaðila um innleiðingu á VAKANUM og hefur nú fleiri fundum verið bætt við. Skráning stendur yfir á fund sem sem haldinn verður 4. júní kl. 15-16.

Sá ánægjulegi atburður átti sér stað í vikunni að Ferðamálastofa og H:N MARKAÐSSAMSKIPTI skrifuðu undir samstarfssamning vegna VAKANS, en framundan er kynningarherferð á VAKANUM fyrir íslensk ferðaþjónustufyrirtæki og innlenda ferðamenn.

Í kjölfar fjölda áskorana hefur verið tekin ákvörðun um að vista hjálpar- og fylgigögn VAKANS á ytra vef VAKANS og hafa þau því öllum opin.

Okkur er það mikið gleðiefni að tilkynna ykkur, að vegna fjölda áskorana hafa hjálpar- og fylgigögn VAKANS nú verið vistuð á ytra vef VAKANS og eru því öllum opin. Við hvetjum ykkur eindregið til að nýta þessi hjálpargögn í þeim tilgangi að auka enn frekar gæði, öryggi og umhverfisvitund í ykkar fyrirtækjum og vonumst til að sjá umsókn frá ykkur í kjölfarið.

Nýsköpunarmiðstöð Íslands aðstoðar ferðaþjónustuaðila við innleiðingu á VAKANUM. Fræðslufundur um fyrstu skrefin er boðinn á netinu og nú í apríl verða tveir fundir.

Óhætt er að segja að VAKINN, hið nýja gæða og umhverfiskerfi ferðaþjónustunnar, hafi fengið afar jákvæðar viðtökur og þegar hafa borist umsóknir frá mörgum öflugum fyrirtækjum í íslenskri ferðaþjónustu.

VAKINN verður kynntur á fundum víða um land dagana 2. til 14. mars næstkomandi.

VAKANUM var formlega ýtt úr vör í Sunnusal Radisson Blu Hótel Sögu í dag, þriðjudaginn 28. febrúar. Margir góðir gestir mættu til að fagna þessum merka áfanga.