Vilt þú sækjast eftir vottun fyrir fyrirtækið þitt?

Umsókn

Senda þarf inn umsókn á vef Vakans. Sjá hlekk inn á umsóknareyðublað neðst á þessari síðu.

Þrjár skoðunar-/vottunarstofur eru í samstarfi við Ferðamálastofu vegna úttekta (sjá neðar). Hægt er að óska eftir tilboðum frá þeim.

Mikilvægt er að umsækjendur kynni sér eftirfarandi áður en umsókn er send inn:

Gæða- og umhverfisvottun fyrir gistingu:

Almenn gæðaviðmið fyrir gistingu
Sértæk gæðaviðmið fyrir þá tegund gistingar sem um ræðir.
Leiðbeiningar um gerð öryggisáætlunar fyrir gististaðinn (sjá hjálpargögn).
Gátlistann Á leið til sjálfbærrar ferðaþjónustu.
Siðareglur Vakans.
Skilmála Vakans.

Gæða og umhverfisvottun fyrir ferðaþjónustu aðra en gistingu:

Almenn gæðaviðmið.
Sértæk gæðaviðmið sem eiga við starfsemi fyrirtækisins.
Leiðbeiningar um gerð öryggisáætlana (sjá hjálpargögn).
Gátlistann Á leið til sjálfbærrar ferðaþjónustu
Siðareglur Vakans.
Skilmála Vakans

Umhverfisvottun - silfur eða gull:

Ef ætlunin er að sækjast eftir silfur eða gullvottun í umhverfishluta þarf að kynna sér og uppfylla umhverfisviðmið fyrir silfur og gullvottun

Þátttökugjald

Ferðamálastofa innheimtir engin gjöld af umsækjendum eða þátttakendum en greiða þarf skoðunar- eða vottunarstofum fyrir úttektir. Eftirfarandi vottunar- og skoðunarstofur bjóða upp á úttektir fyrir Vakann:

Ferðamálastofa hefur reglulegt samráð við vottunar- og skoðunarstofurnar og fundar m.a. formlega með þeim tvisvar á ári.

Vantar þig aðstoð?

Ef þú hefur spurningar eða vantar ráðleggingar þá er velkomið að hafa samband við okkur með því að senda póst á vakinn@vakinn.is eða með því að hringja í 535 5500 og við svörum þér eins fljótt og unnt er.